സ്വാഗതം

മലയാളത്തിന്റെ ദേശീയമഹാകവിയായ വള്ളത്തോള്‍ നാരായണമേനോന്റെ (1878 – 1958) പാവനസ്മരണയ്ക്കു മുന്നില്‍ അര്‍പ്പിതമനസ്‌കരായ ഏതാനും പേര്‍ ചേര്‍ന്ന് അദ്ദേഹത്തിന്റെ ജന്മശതാബ്ദിവര്‍ഷമായ 1977 ല്‍ റജിസ്റ്റര്‍ ചെയ്ത ചാരിറ്റബിള്‍ സൊസൈറ്റിയാണ് വള്ളത്തോള്‍ എജുക്കേഷനല്‍ ട്രസ്റ്റ്  (174/1977, 10 ആഗസ്റ്റ്).  സമൂഹത്തിന്റെ സാംസ്‌ക്കാരികവും, വിദ്യാഭ്യാസപരവുമായ അഭ്യുന്നതിയ്ക്കുവേണ്ടി ലാഭേച്ഛയില്ലാതെ പ്രവര്‍ത്തിക്കുകയാണ് ട്രസ്റ്റിന്റെ മുഖ്യ ലക്ഷ്യം.

“മിണ്ടി തുടങ്ങാന്‍ ശ്രമിയ്ക്കുന്ന പിഞ്ചിളം
ചുണ്ടിന്മേല്‍ അമ്മിഞ്ഞപ്പാലോടൊപ്പം
അമ്മയെന്നുള്ള രണ്ടക്ഷരമല്ലയോ
സമ്മേളിച്ചിടുന്നതൊന്നാമതായ്
മറ്റുള്ള ഭാഷകള്‍ കേവലം ധാത്രിമാര്‍
മര്‍ത്യന്നു പെറ്റമ്മ തന്‍ഭാഷതാന്‍”